საიუველირო სახლი ზარაფხანა საკოლექციო დანების ხაზის კიდევ ერთ, უნიკალურ ნაკეთობას,  „განძის მცველი“ სახელწოდებით წარმოგიდგენთ.

დანა ინსპირირებულია ახალგორის განძით, რომელიც 1908 წელს იქნა აღმოჩენილი დღევანდელი ახალგორის მუნიციპალიტეტის ტერიტორიაზე. ახალგორის განძში შემავალი ნივთები მოწმობს მხატვრული ხელოსნობის განვითარების მაღალ დონეს ძვ. წ. I ათასწლეულის შუახანების საქართველოში.

დანა „ახალგორული-განძის მცველი“ შეხებისთანავე აღვიძებს მცველის ინსტინქტს, რათა შეგახსენოთ საკუთარი ძალა. უმაღლესი ხარისხის ფოლადით და უნიკალური შესრულებით წარმოდგენილი ახალი ნაკეთობა ბრწყინვალე ნიმუშია ქართული საოქრომჭედლო მემკვიდრეობისა.

განძის მომავალი თაობებისთვის შემონახვაში მნიშვნელოვანი წვლილი ექვთიმე თაყაიშვილს მიუძღვის  - დიდ ქართველს, რომელმაც თავდადებით შეასრულა საკუთარი მოვალეობა.

დანას მოჰყვება ობსიდიანის საილუსტრაციო სადგამი და ტყავის ქარქაში, რადგან “ზარაფხანას“ სწამს, რომ განსაკუთრებულ ნივთებს განსაკუთრებული წარდგენა სჭირდება.

მსოფლიოს მოწინავე ავსტრიული მეტალურგიული ინდუსტრიის BOHLER-ის მიერ შემუშავებული ჟანგვამედეგი ფხვნილოვანი ტექნოლოგიით დამზადებული ინსტრუმენტალური ფოლადი K 190PM უზრუნველყოფს ხანგრძლივ ჭრას და გამოირჩევა აგრესიული ფხით.

წონა: 100.3 გრ

სიგრძე: 24 სმ

დანის მჭრელი პირის სიგრძე: 12 სმ