თავგადასავლის მაძიებლისთვის შექმნილი ბოლნური სანადირო დანა იდეალურ ბალანსს ქმნის ფუნქციურობასა და ვიზუალურ ესთეტიკას შორის. ცივი მინანქრითა და მაღალი სინჯის 925 ვერცხლით დამზადებული ნაკეთობის ინსპირაციად ქართული ქრისტიანული ხუროთმოძღვრების უმნიშვნელოვანესი ძეგლი - ბოლნისის სიონის ტაძარი იქცა. ტარზე გამოსახული ლომები, ვაზი და ჯიხვი სწორედ ბაზილიკის რელიეფური ორნამენტებისა და სიუჟეტური სცენის - ნადირობის - ალეგორია გახლავთ.

აღსანიშნავია, რომ დანის პირი სპეციალურად „ზარაფხანასთვის“ შექმნილი, უმაღლესი სიმტკიცით ნაწრთობი სუპერ ფოლადისგანაა დამზადებული (K190, HRC 63).

ნაკეთობის სპეციფიკიდან გამომდინარე, სიმბოლური დატვირთვა აქვს წარმატებისა და იღბლის ქვად ცნობილი ქრიზოპრაზის გამოყენებასაც. რადგანაც, იდეაზე მუშაობისას, გუნდმა დიდი ყურადღება დაუთმო ერგონომიკას, ნივთი ხელში აღებისთანავე სხეულის ნაწილად გარდაიქმნება, რათა მფლობელი მაქსიმალურად კონცენტრირდეს გარე სამყაროზე.

ბოლნური სანადირო დანის სახით, „ზარაფხანამ“ შექმნა ნაკეთობა, სადაც ისტორია და კომფორტი ოსტატურად ერწყმის ადამიანის ცნობისმოყვარე ბუნებას.

მსოფლიოს მოწინავე ავსტრიული მეტალურგიული ინდუსტრიის BOHLER-ის მიერ შემუშავებული ჟანგვამედეგი ფხვნილოვანი ტექნოლოგიით დამზადებული ინსტრუმენტალური ფოლადი K 190PM უზრუნველყოფს ხანგრძლივ ჭრას და გამოირჩევა აგრესიული ფხით.

დანას მოჰყვება ობსიდიანის საილუსტრაციო სადგამი და ტყავის ქარქაში, რადგან “ზარაფხანას“ სწამს, რომ განსაკუთრებულ ნივთებს განსაკუთრებული წარდგენა სჭირდება.

წონა: 138.97 გრ

სიგრძე: 18.5 სმ

დანის მჭრელი პირის სიგრძე: 7.5 სმ